اخر الاخبار

بيانات واستنكارات في بلدة المنصوري والسبب.. اشتراك الكهرباء!

نص البيان:

ومع كترة اللجان والبيانات هل ايام ، فقررنا نحنا كم شاب مغترب كمان نعمل لجنة ونعمل بيان!

بما انو حديث الساعة اليوم حمتتو والاشتراك، فخلينا نحكي عن هل موضوع بس وبلا ما نفتح مواضيع تانية.
طبعاً سمعنا عل غروبات ومواقع التواصل الاجتماعي انو القيميين عل بلد من مشايخ ومخاتير ومسؤولي الاحزاب ووو…. عم يشتغلوا عل موضوع الله يعطيهن العافية وخلص حطوا براسن انو حمتتو لازم يضب المواتير ويفل لانو زودها كتير ، هون دبت فينا الفرحة وقلنا الله محيي الشباب رح ياخدولنا حقنا وحق اهل البلد وبيانات وإقرأ جيداً يا حمتتو وما ترجع تتمسكن لتتمكن وانت حرقت سمانا وانت كسرت الجرة واستغليت المغتربين بعشرات الملايين وووو.. ما بدنا نسألكن وين كنتو وقت دفعنا مع انو ما كان في اشتراك بسيطة مرقت، . وإذ فجأة بتجتمعوا اليوم وبيطلع معكن انو حمتتو بيقدر يضل ! شو صار ؟ شو تغيّر؟ ما مبارح قلتوا مستحيل ترضوا يبقى لو شو ما عمل وانتوا ما بحدا بيستعمل معكن اسلوب القوة!!! انو ليش رضيتوا؟ فهمونا؟ليش تنازلتوا خبرونا؟نحنا كمان بحقلنا نعطي رأينا نحنا مش بس دولار ويورو !علامات استفهام كتيرة؟
انو عرضتوا عليه مشاكل البلد والسيّد خليل تفهّم الموضوع وعدكن انتوا يا قيميين انو رح يعمل جهدوا ليحلها ورح ياخد منكم تسعييرة الدولة. يا ماشاءالله عليكم! طيب وين عشرات الملايين ؟ وين انو كبّر راس عليكم وعا اهل البلد ؟ وين انو استعمل اسلوب القوة ؟ وين الجرّة لكسرها ؟ وين كرامة اهل البلد ؟ ما فكرتوا فيهن بتعرفوا لو هل شي بصير بضيعة تانية كانوا حرقوه هوي ومواتيرو من اول يوم.

نتمنى عليكم اعادة التفكير بالموضوع والعدل عن القرار الاخير وإعطاء السيد حمتتو اسبوع وقت للرحيل. وهيك نحنا بكون وصل حقنا والسلام
*شباب الاغتراب *

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى